Shoqata Humanitare Tradita

Programet

Mbështetja e fëmijëve jetimë

Mbështetje për fëmijët që kanë humbur njërin ose të dy prindërit, dhe për familjet që kujdesen për ta.

Vullnetarë të Traditës duke shpërndarë pako dhuratash për fëmijët pranë furgonit të organizatës

Rreth programit

Humbja e një prindi e ndryshon jetën e një fëmije dhe të gjithë familjes. Përmes këtij programi, Tradita u qëndron pranë fëmijëve jetimë dhe atyre që kujdesen për ta, me ndihmë të përshtatur për nevojat e secilës familje.

Mbështetja mund të përfshijë pako ushqimore dhe higjienike, dhurata dhe mjete shkollore për fëmijët, si dhe ndihmë në raste të veçanta. Çdo familje trajtohet me respekt dhe në mënyrë konfidenciale.

Çfarë duhet të dini

  1. Kujt i shërben

    Fëmijë nën 18 vjeç që kanë humbur njërin ose të dy prindërit, dhe prindi, kujdestari ose familjarët që kujdesen për ta.

  2. Kush mund të aplikojë

    Aplikimin e bën një person i rritur që kujdeset për fëmijën:

    • prindi i mbijetuar;
    • kujdestari ligjor ose një i afërm që kujdeset për fëmijën;
    • një përfaqësues i autorizuar nga familja.

    Çdo aplikim shqyrtohet individualisht nga stafi i Traditës.

  3. Dokumentet që mund të nevojiten

    Gjatë shqyrtimit mund t’ju kërkohen:

    • certifikata e vdekjes së prindit;
    • certifikata familjare;
    • certifikata e lindjes ose ekstrakti i fëmijës.

    Nuk është e detyrueshme t’i dërgoni që në fillim. Mund t’i ngarkoni në formular nëse i keni gati, ose t’i sillni kur t’ju kërkohen.

  4. Si të aplikoni

    1. Plotësoni formularin "Aplikim për mbështetjen e fëmijëve jetimë" në këtë faqe.
    2. Stafi i Traditës e shqyrton aplikimin në mënyrë konfidenciale.
    3. Nëse nevojiten të dhëna ose dokumente shtesë, ju kontaktojmë në numrin e telefonit që keni dhënë.

    Nëse nuk mund ta përdorni formularin, na telefononi dhe ju ndihmojmë.

Pyetje të shpeshta

A duhet të dërgoj dokumente me aplikimin?

Jo. Mund të aplikoni pa dokumente. Nëse nevojiten, stafi ynë ju kontakton pas shqyrtimit fillestar.

Kush mund ta plotësojë formularin?

Prindi, kujdestari ose një person i rritur i autorizuar nga familja. Fëmijët nuk duhet ta plotësojnë vetë formularin.

A do të publikohen të dhënat e fëmijës?

Jo. Të dhënat e aplikimit i sheh vetëm stafi i autorizuar dhe nuk publikohen kurrë. Fotografitë e fëmijëve publikohen vetëm me pëlqimin e veçantë të familjes.

Nga puna jonë

Vullnetarë të Traditës duke shpërndarë pako dhuratash për fëmijët pranë furgonit të organizatës
Ngjarje

Data e aktivitetit: Mbështetja e fëmijëve jetimë

Vullnetarët e Traditës u shpërndanë fëmijëve pako me dhurata.